Powered by Blogger.

Love Story of a Delhi Girl in Hindi I Hindi Prem Kahani Dilli Ki






dillee......! jitanee raphtaar se yah sahar chalata hai utanee hee thamee thamee see jindagee hai yahaan kee. in logon ko dekhakar aisa lagata hai jaise inhen intajaar hai kisee ke aane ka| in sabake beech main bhee intajaar kar rahee thee. lekin kisee ke aane ka nahin balki kisee ke paas jaane ka.


ab mere man mein thodee see bhee ulajhan nahin thee bas intajaar tha, usase milane ka. agar thodee bahut ulajhan bachee huee thee to usamen itana dam nahin tha ki vah mujhako rok sake| mujhe lag raha tha ki main chilla-chillaakar saaree duniya se kah doo ki mujhe usase pyaar ho gaya hai. aur kal usase ijahaar karane vaalee hoon.

par bataoon to kaise? kaash meree koee chhotee bahan hotee ya phir koee dost! jisase main apane man kee baat kah paatee. mera man kiya ki mammee ko bata doon. lekin meree ulajhan tab aur badh gaee! jab mujhe khyaal aaya ki-agar unhen pata chala to vah mujhe ghar se baahar bhee na nikalane dege. unhonne gaanv jaroor chhoda tha lekin vahaan ke vichaar nahin.

vaise bhee paapa mammee in cheejon mein kahaan vishvaas rakhate hai aur meree kahaan sunane vaale the. ham gaanv se aakar shahar mein jaroor rahate hai! aur paapa ek uchch pad par sarvis main bhee hai. lekin unake khayaalaat abhee bhee gaanv vaale hain. main yahee soch kar dar jaatee hoon|lekin karoo toh kya karoon! apanee lovai story kisake saath sheyar karoo.


lekin mein use bhula bhee to nahee sakatee hoon. kyonki usako itana pasand jo karatee hoon. khair chhodie! yah ulajhan dimaag mein lie main apane kamare mein aa gayee. aur apana hedaphon lagaakar apane kamare gaane sunane lagee aur daans karane lagee. kuchh samay hua hee tha. tabhee thodee der mein doosare kamare se aavaaj aaee -"aaj sona nahin hai kya? beta 11:00 baj rahe hain! subah kolej nahin jaana kya?"

lekin aaj mere kadam kahaan rukane vaale the. itanee khushee jo ho rahee thee ki shabdo main bayaan karana mushkil tha. mainne naachate hue hee kaha- "haan mammee bas sone hee vaalee hoon aap so jaie|"agar aaj mere koee naachane ka koee majaak udaata to bhee mujhe aaj koee paravaah nahin thee|

abhee mein naach hee rahee thee, tabhee paanee kee tej boonde mere chehare se aakar takaraee aur mujhe aankhen kholane par majaboor kiya| pata nahin us taim mujhe kya soojha? khidakee ke paas jaakar un boondo ke saath khelane lagee. aur apane munh par baar-baar un boondo ko phekane lagee|

itane mein pata nahin mere man mein kya aaya? khidakee band kee aur apanee daayaree nikaalee jahaan par main apane baare mein likhatee theen. aaj bhee mein kuchh apanee lovai story ke baare mein likhane lagee. lekin aaj jo likh rahee thee, vah seedhe mere dil se aa raha tha. maano aisa lag raha tha jaise daayaree se apane man kee baat kar rahee hoon.-

aaj pahalee baar kisee ko aankhon se mainne baat karate hue dekha tha| main usase paas jaakar kuchh kahatee- itane mai usakee tren aa gaee aur use apane saath le gayee.agale din na jaane kyon? usee saamane vaale pletaphaarm par dekhakar main khush thee. shaayad main intajaar kar rahee thee usaka. khair ab aankhon se shuroo huee baaten ishaaron se hone lagee thee|

bade hee ajeeb hote the! "usake ishaare". samajh to nahin aate the lekin mere chehare par ek muskuraahat jaroor de jaate the|ab samay ke saath mein dheere-dheere mein usake ishaare bhee samajhane lagee thee| vah roj kuchh na kuchh paagalapan karake mujhe hansaata tha. aur ek din to usane had hee paar kar dee. vah mujhe dekh kar jor jor se gaana gaane laga.

isase pahale ki main usase baat karatee usako steshan maastar ne pakad liya aur use apane saath le gaya. us din bahut hansee thee mein. shaayad mujhe bhee usake isee bachapane aur paagalapan se pyaar ho gaya tha| use dekh kar mujhe aisa lagane lagata tha ki jaise mera barason ka intajaar khatm ho gaya ho|

ab jindagee ne ek raphtaar pakad lee thee. yah din itana tejee se beete ki ham donon ko pata hee nahin chala| ham donon har roj steshan par aakar apanee apanee manjilon kee or nikal jaate the| na usane kabhee is or aane kee koshish kee, na maine kabhee us or jaane kee himmat jutaee |

kabhee-kabhee to dil karata tha ki bhaagakar usake paas chalee jaoon aur us se apane dil kee baat kah doon. aur usake saath us safar par chalee jaoon jahaan vah jaata hai| lekin kabhee mere dimaag ne to kabhee mere pairon ne mujhe isakee ijaajat nahin dee. mujhe intajaar tha kal ka. kal ka din mere lie speshal hai, kal ke din vailentain-de jo hai.

agar main kal usase apane dil kee baat na bata paayee to shaayad kabhee na use bata paungee| tabhee mera dhyaan daayaree se hatakar un ghadiyon kee tik tik karatee suiyon ne apanee or kheencha jo vailentain-de shuroo hone ka ishaara kar rahee thee|

meree najar ghadee par gaee! raat ke 12:00 baj rahe the. aaj vah din aa hee gaya jisaka mujhe besabree se intajaar tha| vah pooree raat mein nahin soee usase milane kee itanee jaldee jo thee |
subah jaldee uthakar sabhee kaam kar taiyaar ho gaee. aaj to mainne brekaphaast bhee nahin kiya tha, usase milana jo tha|

aaj main pletaphaarm par samay se pahale hee pahunch gayee aur vahaan paas mein padee bench par intajaar karane lagee usake aane ka.lekin kaaphee samay intajaar karane ke baad bhee vah nahin aaya. mujhe bechainee hone lagee aaj to tren bhee nikal chukee thee, lekin usaka koee pata nahin tha| mere andar ajeeb-ajeeb khyaal aa rahe the. "pata nahin kya hua hoga , kyon nahin aaya|"

vahaan kaaphee samay intajaar karane ke baad mujhe andar se rona aa raha tha sach kahoon to mein dukhee ho gayee thee. man to kar raha tha ki aaj apanee jaan hee de doon. lekin marata kya na karata
bas itanee see thee yah kahaanee.............!


Story By: Ek ladki jo khoye hue hai is tez raftar jindagi me.

No comments

Note: only a member of this blog may post a comment.